NJË VIT, QË PUSHOI KËNGËN BILBILI..!
U SHUA NAIM’ I KËNGËS..!
Me lot kënga i flet këngës,
Malit, ja përciell deti,
U shua Naim’ i këngës,
Mbylli syt LEFTER LEZETI..!
Lajmin, që nuk e qas kënga,
Maja ja përciell majës,
U shua LEFTER’ I KËNGËS,
Vala nuk i beson valës..!
Ike, LEFTER ÇIPA, ike
Si ëngjëll në djep të këngës,
Valët u ngritën në dallgë,
Vajte në gjirin e MËMËS..!
Kalaja plak e Argjiros
Dha siparin në bedena,
Iku BILBILI I KËNGËS
Pesëdhjet vjet i ndriti pena..!
Flamuri ,përmbi Himarë,
Duket që nga Llogaraja,
Ç’ daramet i the shqiponjës,
Ç’ vargje le në gojë të saja..??!
Lulet e Vëndeve tona,
i thure vargje në këngë,,
Ato lule ngjyra –ngjyra
Ç’kanë sotë , pse lotojnë..??!
Në vesën e manushaqes
I lave vargjet e këngës,
Ajo vesë, kristal e prillit,
Sot pikon si lot i zëmrës..!
Një mijë këngët që thure,
Ja thonë maja më maja,
Kënga LABE do të mbajë
XHEVAHIR, NË GJI TË SAJA..!
Lidhe fjalën besa-besë
Me FETIUN(Brahimi) gjith lezete,
Bashkë GJËMUAT mbi KALA,
Bashk’ u nisët për “ KURBETE”..!
Ngushullimi i takon,
Aq më shumë Këngës Labe,
Kjo këngë, s’u lë të treti,
Qoftë dhe në njëqind varre..!
Dallëndyshja do të pyes:
Për bilbilin nga Bregdeti,
Në prehrin e këngës Labe,
Aty ” fle” LEFTER LEZETI..!
Do qëndrosh si një BAJRAK,
Aty, në qosh të shtepisë,
Mbështjellë në tym të cigares,
Ngushullim got’ e rakisë…!
Abas Goxhaj
Vlorë- 19 Shkurt 2021
About Post Author
