Adem Nuhaj-Ç’më ka mar malli…


Ç’më ka mar malli ……..

Ç’më ka mar malli

Për një kengë bilbili

Për një ujë zalli

Për një ujë burimi.

Dua , që të ngjitem

Nëpër kodra , brigje

Shkëmb më shkëmb të hidhem

Nëpër rrugë e shtigje.

Ku , më rriti nëna

Në trojet e mia

Ku , buçet kënga

Dhe ngrihet dollia.

Për ato lugina

Malli më ka mar

Të bredhë në lëndina

Mbi lule e bar.

Të shkel përmbi vesë

Ku , shkel dhe thëllëza

Pas gjurmës kopesë

Brinjave në rrëza.

Të shoh dhe mëllënja

Kur , lozin në ferra

Nën gjethet e rëna

Të gjej mollë të egra.

Ç’më ka mar malli

Për një kuvënd burri

Për një oxhak zjarri

Ku , peshon shumë guri.

Me barinjtë në stane

Dua të ngreh tëndën

Të dal në livadhe

Dhe të loz me Hënën.

Të shkoj pas vëzhdagës

Ftujës me baluke

Dhe vesën e natës

Ta mbaj përmbi supe.

Malli për vatan

Jo , nuk ka të sosur

Ai , bashkë me xhan

Është i nakatosur.( perzier ) .

About Post Author