Kush të bëri kaq të bukur?……
Moj thëllëzë syrin me pika
Që , këndon në ato gryka
Kënga jote gjithë lezete
Thëllëzë moj zogëz e reallë
Të shikoj e nxjer mallë
Të shikoj në ata male
Kur këndon edhe hedh valle.
Në ato gurrat me shkumë
Ku pi ujë do pi dhe unë
Kur shkon mbi bar të vesuar
Thëllëzë më ke marruar.
Fshatin Ti me këngë e zgjon
Kur , në rrëza ligjëron
Me atë zërin e lar
Dimërin e bën behar.
Moj thëllëzë vetull kurorë
Del , si lule mbi dëborë
Dritë hëne del në brinjë
Rreze dielli mbi shkëmbinjë.
Kënga jote shërim xhani
Me ty zbukurohet mali
Kaq të bukur kush të bëri?
Lule çelur te shullëri.
Kur më shkon te udhë e madhe
Dashurisë Ti i ndez zjarre
Syri yt brënda qerpikut
Lëshon vapën e korrikut.
Zeri yt këngën kur nxjer
Dashuri edhe pranverë
Thëllëzë e rritur mbi gur
Je ilaç për të sëmur.
