Adem Nuhaj:Na erdhi pranvera …


Na erdhi pranvera …

Na erdhi pranvera

Çelën manushaqe

Çeli dhe leshverdha

Trendafil në faqe.

Dhe nëpër lëndina

Bari ka djersitur

Flokë trendelina

Lule është rritur.

U ngjita mbi krua

Lartë në një faqe

Për miken , që dua

Të mbledh manushaqe.

Shkurreve i mblodha

Dhe i bëra tufë

Përmbi gjoks ia hodha

E putha në buzë.

Pastaj mëndë nuk mbaj

Ç’u bë n’ato gryka

Te gusha e saj

Me aromë u mbyta.

Më mbuloi me flokë

Si , me fije ari

Siç mbulohet plot

Me lule dhe mali.

Mbi ne fluturonin

Këndonin bilbilat

Zemrat na gufonin

Shpërthenin dëshirat.

Moj pranverë na prure

Gjithë bukurinë

Siç çel këto lule

Çel dhe dashurinë.