” AH , PËR ATË NATË “
” AH , PËR ATË NATË “
—————————————-
*
Erdha një natë pa Hënë hyra fshehtas në errësirë
Mos të shihte qeni yt që pas portës rrinte shtrirë,
Por ai në çast më ndjeu sapo shkela mbi Tërfilin
Mu vërsul e sa s’më shqeu këputi edhe zinxhirrin !
*
Si hardhuc as vet se di sipër pemës si u ngjita
Deri sa iku ai , aty ndëjta , aty prita ,
Nuk më linte që të zbrisja deri vonë pas mesnatës
Ndërsa unë rrija e prisja lartë në degën e Lojthatës
*
Disa herë doli ytatë por më ndihmoj errësira
Ah ç’kam hequr atë natë për ty o të martë e mira ,
Në mundim kalova murin aty nga ku isha hedhur
Lashë dhe cërkat e gjakut në të që kishte rrjedhur !
*
Atë çast ndjeva dhimbje qeni yt më kish kafshuar
Ish mësuar zemra ime sa të t’jera kish duruar ,
Po ta them që ta dish ah sa shum e kam mallkuar
Bar Miu përzier me mish , do ti jap për ta helmuar !
*
Veç një çast kisha dëshirë atè plagë të ma shihje
Në krevat ku rrija shtrirë për vizitë të më vije ,
Ah, sa të kam pritur me shpirt plasur unë i ngrati
Mos më thuaj se ke ditur apo s’erdhe nga inati ?!
*
Ndoshta e di të vërtetën më ke ndier a më ke parë
Dhe tani e fajson veten për këtë që më ka ngjarë ?!
Ç’të të them unë i shkreti më lodhën k’to mendime
Për këtë që më gjeti s’ke faj ti , por zemra ime !
