Ajo është pjesë e qenies sime ,
është pasion që brenda meje fle…
Ajo është si kuvertë e mëndafshtë ,
Ajo është oksigjeni jetëdhënës,
me timen frymëmarrje frymon…
Ajo rrjedh si gjaku nëpër vena,
nga gjumi i errët më zgjon…
Ajo është kaq e paqtë e hyjnore ,
kur me tik-taket e zemrës flet…
Ajo është buzëqeshja ime gazmore,
që me ritmin e dashurisë troket…
Ajo është çuditërisht e padukshme ,
dhe depërton si një hije në mua…
Ajo është magji që më çmend,
është ëndërr që më mban zgjuar…
Ajo është në çdo udhë që ndjek,
në udhëkryqet e jetës që përshkoj…
Ajo është zëri ,që ëmbël më flet
pa të ,jo nuk di si të rroj?..
Ajo është gjithçka e bukur kam,
është tingull muzike ,është varg…
Ajo është poezi ,është muzë,
që më frymëzon në çdo çast…
Eralda Cuko
