Ana Frank, të dua shumë!
Ishe yll ëndrra këputur.
Një ditar tërë përpëlitje,
Nën një thundër çizmesh, shtypur.
Ana Frank, të dua shumë!
Ishe gonxhe e përndjekur.
Pa u nisur, mbylle jetën,
Nën një qiell të zbehtë, të vdekur.
Ana Frank, të dua shumë!
Sot do të ishe … ç’gjyshe e bukur!
Rrotull yje ëndrra këputur.
Tokë dhe hënë prapë të përskuqur.
Ana Frank, të dua shumë!
Zbardh ditari yt flamur!
Shkrimi i tij si zë fëmije
Ulërin: Mjaft! Kurrë më, kurrë!
•Vogëlushja hebree, zhdukur në kampin nazist të Aushvicit.
Ditari i saj, mbajtur në strehën e fshehtë, u bë i njohur në mbarë botën.
