Anelja Lako:Ti nën dritëzën e hënës


Ti nën dritëzën e hënës,

s’di ç’m’u shfaqe aq i fshehtë,

hape butë portën e zemrës,

ma pushtove lehtë e lehtë.

Ti mbi dritëzën e hënës,

shkëndijoje përmbi re,

ç’ma vodhe çelësin e zemrës,

lermë të qetë, mor, si s’më le.

Ti nën dritëzën e diellit,

butë më dogje si qirinë,

fluturoj tej e tej qiellit,

plastë kush s’njohu dashurinë!

A. Lako.(Ripostim)

About Post Author