Ardian Pilo
Mikes time
Petale, mi ke sytë mikja ime,
Zoti vet me dorë ti ka qendisë,
Pafunëdsi netësh s’më mjaftojnë,
Të çmadhem me ta e ti sodisë.
Fllad, mi ke flokët mikja ime,
Sa shumë ja shtojnë hiret bukurisë,
Pafundësi ditësh s’më mjaftojnë,
Nën freskun e tyre të shëtisë.
Gonxhe, mi ke buzët mikja ime,
Pjalmin midis tyre veselisë,
S’më mjaftojnë ditë e netë bashkë,
Që magjinë e tyre të gjesdisë.
Lule, ma ke trupin mikja ime,
Krijesë e përkryer e Perëndisë,
Nëse Zoti do t’më bënte bletë,
Më thuaj, më thuaj nga t’ja nis.
