Armenida Qyqja-Patriotë sezonal

PATRIOTË SEZONAL-

E kemi thyer me kohë pasqyrën,

Pellgjeve, udhëve të botës shihemi,

Në xhamat vitrinave, ndreqemi,

Që kurse e vramë Ndërgjegjen…

Ikim me çantat firmato supeve

Dhe me krehjen e modës së fundit,

Të përfshirë, integruar, sheshuar,

Me patriotizmin diku në xhep strukur…

Bërtasim, gjoksin rrahim stadiumeve

Kur ngrihet një flamur, a shënohet një gol,

Ne të ikurit ende mirë pa ardhur, patriotët sezonal,

Që për një pension e pasaportë, e shitëm Atdheun…

-ARMENIDA-

(Dhjetor 2022)