Armenida Qyqja-Unë, Evë dhe ti, Adam-


Armenida Qyqja

-UNË, EVË DHE TI, ADAM-

Sikur Endit t’ia hiqnim gjarpërin,

Dhe mollën e ndaluar me gjithë rrënjë,

Pandorës kutinë t’ia merrnim nga duart kureshtare,

Kapitullin e parë të jetës ta ribënim…

S’do të kishte Noa e as përmbytje,

Lot, njerëzimi kurrë s’do të derdhte,

Dy të dashurit asnjë herë s’do të grindeshin,

Dhe Kaini nuk do vriste të vëllan…

Por s’ribëhet gjeneza, buka e mbrujtur,

Mëkatin, e thënë është me kafshatat ta ndajmë,

Dhe në udhën e Golgotës të pandarë të ecim,

Unë, Evë dhe ti, Adam…

-ARMENIDA-

(Qershor 2020)

About Post Author