Arqile Gjata:Vrasësit e gjuhës së nënës!!!
Miku im, Bardhyl Adem Selimi, i cili njeh disa gjuhë të huaja dhe, prej të cilave sjell në shqip apo çon tek ato prej shqipes plot gjëra të çmuara, ka bërë një listë fjalésh fare të shkurtër, në krye të të cilave thotë:
“T’ia nisim nga këto fjalë shqip, në vend të atyre të huaja.
” Sigurisht, fjalët e gjuhës tonë në këtë listë janë shumë pak nga ç’janë në të vërtetë fjalët e gjuhës tone,
që mohohen dhe përbuzen prej shumë, me nder, “intelektualëve” (analistë, gazetarë, politikanë, deputet, etj.) që pushtojnë përherë ekranet dhe mediat tona.
Të përdorësh fjalë të huaja në vend të fjalëve shqip, do të thotë të mohosh nënën, që të ka lindur dhe prej gojës të së cilës i ke dëgjuar ato fjalë, qysh kur ke nisur të belbëzosh.
O Zot! Këta “të kulturuar” janë ca mëmëvrasës, që për të zezën tonë quhen INTELEKTUALË.
Ja lista tejet e shkurtër e fjalëve shqip që mohohen dhe përbuzen prej atyre “intelektualëve”
që i ka lindur një nënë shqiptare:
Afirmoj – pohoj
Apel – thirrje
Aprovoj – miratoj
Avangardë – pararojë
Brutal – i vrazhdë
Decidoj – vendos
Deciziv – vendimtar
Definitiv – përfundimtar
Dedikoj – kushtoj
Definicion – përkufizim
Determinoj – përcaktoj
Diferencë – ndryshim (dallim)
Eksperiencë – përvojë
Ekzagjeroj – e teproj (e zmadhoj)
Ekzakt – i përpiktë
Eksigjent – kërkues
Eliminoj – zhduk (çrrënjos)
Eveniment – ngjarje
Evident – i qartë (i dukshëm)
Evitoj – shmang
Fals – i gënjeshtër (i rremë)
Frekuentoj – ndjek
Indinjatë – zemërim
Independencë – pavarësi
Influencë – ndikim
Iniciativë – nismë
Insistoj – ngul këmbë (këmbëngul)
Injorancë – padituri
I komplikuar – i koklavitur
Konkluzion – përfundim
Relaks – prehje, çlodhje, kënaqësi,etj.
Spacio – hapësirë
Implementoj – zbatoj, vë në jetë
Trend – prirje
Po fjalët e huaja,
që përdoren sot në vend të fjalëve shqip
nuk kanë të mbaruar!!!
About Post Author
