Begu Davë-Thyerje n’heshtje…


Begu Davë

Thyerje n’heshtje…

Copëzat e shpirtit thyhen ,

thyhen , më shumë n’heshtje ,

n’kët botë meskine

t’bën me u ndal çdo frymëmarrje e thellë ,

ajo frymë” që druhet n’odë t’vet

e mbyllur n’mure t’kalbura ,

ku përqafon dhimbjet e sajë tinëz !

Enigma shoqëron gjithë kohës

mistere t’fshehura ,

si pa kuptu n”skuta të errta

fshihen përjetime ,

dhe zemra pluskon

n’rrahje t’forta ashtu n’heshtje ,

n’virtyte t’shkruara brenda vetes

numëron çdo ditë hapat ,

e zingjirët e ideve t’pafundme ,

që t’lindin n’imagjinatë….

….dhe sërisht s’guxon ti mbledhë

” copat e shpirtit “

s’guxon me i ngjit bashkë ,

ka frikë që i thyejnë egoistët

si gjithmonë….

dhe s’beson më në këtë botë meskine

të mbuluar në maskë ,

e t’veshur me petkun e hipokrizisë

që vrasin e thyejnë të heshturit ,

të paqtërit , të vegjëlit ,

e të vuajturit e universit mbarë !

Begu Davë 18/ Shtator/ 2022.!

About Post Author