Berzat Sadiki


HAPENI FLETËN E QIELLIT TË PARË

Thureni gardhin e paqes!
Nga thupra popujsh të mëndafshtë.
Me tela harpe, pëllumba.
Nga sy hyjënorë.
Nga zemra flatroshe.
Me mendje engjëllore.

Hapeni fletën e qiellit të parë!
Mbi tokë, mrekulli pa fund.
E ngjizur me shije parajse.
Ngjyrat e ylberit mbi të të derdhura.
Nuk ka kuptim të luftoni.
Të vdisni pa nevojë.

Ëndrra përjetësie ka gjithandej.
Në sy të vashës së dëlirë.
Në shpirt të çunit ballëyjesh.
Me ëndrra dashurie.
Me ëndrra lirie.

Shndrisni horizontit të përjetësisë.
Vini duart mby tyta!
Predhat mbushni me dashuri!
Zbrazni mbi tokë!
Zbrazni mbi njerëz!
Sa më shumë që të mundeni.

About Post Author