Besa Januzi Rexhepi:Urime Kosovë


Besa Januzi Rexhepi:Urime Kosovë Pavarsia

Sot po festojmë Kosovë kudo në botë, aroma liri po i vjen,

Mendja më rri vetëm te ti, o vendi im, vendi i shqiponjave,

Ne jemi krenar me ty atdheu im i shtrenjtë e i begat,

Sot ti Kosovë po shëndritë si dielli lart në qiell.

Mua sot nga Amerika, më kapluan mendime të furishme nga lufta e fundit.

Qëndresa e pathyeshme e Ushtrisë Çlirimtare, u derdh gjaku lum,

duke mbrojtur atdheun, pragun e shtëpisë, lirisë ia falën jetën.

Ne po e gëzojmë lirinë, që e sollën dëshmorët, me flamur të kuq në dorë.

Sot jemi të lirë sikur zogjët në fluturim, në qiellin e kaltër të pa anë.

Sikur të fluturoja edhe unë bashkë me zogjët drejtë atdheut.

T’i bashkohemi këtij gëzimi të madh, Rroft Pavarsia e Kosovës!!!

Le të ndihet brohoritja e njerëzve të lirë lart e më lart, kudo në botë.

Ti Kosova ime, dashuria ime, me gjitha të mirat që i ke,

Me pyje të gjelbëruar, me kodrina e fusha, lugje e prrocka, me kroje e ujë të kulluar.

Aty pushojnë ëndrrat e mija, kur isha fëmijë dhe rinin time!

Kosovë falem para teje, me zemër të lënduar,

Nga mërgimi larg teje, ndjehem e humbur dhe e tretur, shumë larg, përtej Oqeanit.

Sot po festojmë Pavarësinë e Kosovës!

Seq mu trazua malli, sytë me lot mu mbushën,

Sikur të fluturoj të kaloj, male e dete, oqean e fusha me lule e mos të ndalem derisa të vijë e të them

RROFTË KOSOVA IME, RROFTË PAVARSIA!!!

17 shkurt 2022

About Post Author