SI HESHTJA
Më thuaj fjalë si t’ parën herë
Gazmore si buzqeshja
Si këngë t’ pathëna asnjëherë
E magjiplotë si heshtja.
NËNË
“Nënë”këtë fjalë të artë
Mbi gonxhe të thatë kisha shkruar
Ndodhi magjia e paparë
Në lule të gjallë u shndërrua.
NGAZËLLIM
Për një vetjake lumturi
S’ mendova, mendjen s’ vrava..
Sepse trefish mora ngazëllim
Kur me të tjerë e ndava.
MA HIDH SI LITAR
Nis buzëqesh,si hallkë e artë
Të çelet në faqe gropçele
Ma hidh të kapem, si litar
Mbi buzqeshjen tënde të ngelem.
TË DUA , DET
Të dua o det e të desha
T’ erdha pranë të dëgjoj fjalë..
“Këtu do dëdjosh vetëm vjersha”
Njëzëri më thanë valët.
VEÇ NË SHPIRTRA
U vunë në kërkim të gëzimit
Yjet e qjellit me orbitat
Toka tha:” Kot e merrni mundimin,
Do gjeni gëzim veç në shpirtra.”
PSHERËTIMË
Kur ngultas syve më vështron
Mëkat i ëmbël je, tundim..
Indiferente kur kalon,
Më e gjata psherëtimë.
BUKURIA
Kopshteve, lëndinës doli
Një vajzë , lule e bukurisë
Buzëve të djemve mbolli
Gonxhet e çapkënërisë.
PUTHMË..
Puthmë sa në shpirt të shkundem
Gjer në mekje, gjer në britmë
Shtrydhmë ,pezull të lëkundem
Të ndjej vdekje dhe amëshim.
MIKU I SHTIRUR
Kur trungun e mollës shkund lart
Si bien frutat e krimbur!
Rrëzohen ulët, poshtë në baltë
Posi një mik i shtirur.
Lefter ShomoK/ b.l.01.α
