ÇFARË PO HAMË?
Ku po shkon njerëzimi,
Kush e di, të më thojë,
Çfarë po prodhohet,
@
Vete e blen patate,
Pa një pikë shije,
Tamam si një rrush,
Që piqet në hije
@
E blen patllixhanin,
Të del kastravec,
Vete e blen karrotë,
Del në shije spec
@
Vete e blen shalqi,
Me lëkurë lëmuar,
Pa pikë shije del,
Me kungull shartuar
@
Vete e merr domate,
Flakë e kuqe jashtë,
Brenda e jeshiltë,
Është sikur ha kashtë
@
Në darkë kastraveci
Si lule e thatë,
Shikon në mëngjes
Dy pëllëmbë i gjatë …
@
Nuk dimë çfarë hamë,
Afate e skadenca,
Se kemi hormone,
Të na rrojë shkenca …
@
Djathi, gjalpi, gjiza,
S’dalin nga bulmeti,
S’i prodhon më fshati,
I prodhon qyteti …
@
Ndaj dhe shteti hesht,
I kalon urtë e butë,
Se kosi prodhohet
Me shurrë e me mut
@
Për bulmet kanë dalë
Shumë stile të reja,
Të rrojë qumështi pluhur
Edhe niseshteja …
@
S’shohim më kope
Me dhën e me dhi,
Çdo gjë sot e gjejmë
Në tregun e zi
@
Të dala prej rrushit
Raki edhe verë,
Me afat skadence,
Bija në një derë
@
Që nga lashtësia
Prejardhjen e kanë,
Sa më të vjetra,
Më të mira janë
@
Ja, erdhi kjo kohë,
Që njeriu s’e priti,
Po qe se nuk pihen,
Skadojnë pas një viti
@
Dhe pula shqerake
Shumë shpejt u rrit,
Që ta çosh në tavë
Do veç dyzetë ditë
@
Për derrin e viçin,
Lere se çfarë thonë,
Pa mbushur një vit,
Peshojnë një ton …
@
Qëngji edhe keci
Janë më me fat,
S’duan shumë mundime,
Një dorë koncetrat …
@
Ndaj hani e pini
E mos kini frikë,
Se njëlloj janë bërë
Shkencë e politikë
@
Ndaj jeta u bë
Sot kaq e pavlerë,
Se shkenca ja bëri
Topin mu në derë …