Autorësia: Vjollca Aliu
1- Ka fjalë që të gajasin, ka dhe aso që të vrasin.
2- Fjala të mek, fjala të vret.
3- Nga njē shpirt i tronditur, buzëqeshja del e venitur.
4- Mu atëherë kur mendon se të kanë kapluar vështirësitë, kujto se, edhe në shpellën pa dritë, del një gur stralli që shndrit!
5- Në çdo çast e për çdo rast bëhu gardian i mirësisë së zemrës sate!
6- Kur zemra veten e pastron nga syri lotin lëshon.
7- Më shumë sesa na ngroh me rreze i bukuri diell, takimi me njerëz të mirë ngrohtësi në shpirt na sjell.
8- Nëse zemrën tënde nuk e ushqen me mirësi, nuk mund t’i dhurosh askujt lumturi!
9- Për disa humbje ndiejmë lehtësim, të tjera humbje na kthehen si shpërblim!
10- I çfarëdo kombi të jesh, çfarëdo besimi të kesh, mund të marrësh edhe pozita në shoqëri, por më e vështira është: të jesh vërtet njeri!
11- Poeti nuk është tregtar, gjithçka jep nga shpirti, e s’pret që diçka do të marrë!
