Sa shpejt ikin ditët
Tretën çdo ditë
Diku larg
Asnjëra ditë
Në tjetrën s’ngjan
Por kujtimet
e bukura të dikurshme
Memorja ime
në thellësi të kokës i mban
Javët ikin sa shpejt
Edhe këto tretën
Çdo javë diku larg
Jo si dikur
kur ishim në lumturi
Dhe shpirti im i lodhur
nga trishtimi
Vetëm një çast kërkon
të jam bashkë me Ty
Muajt po ikin
Sa shpejt shkon çdo muaj
E malli zemrën po ma vret
për Ty e imja hyjni
Me shikim nga qielli
i lutem Zotit
të ma mbajë Ernen
të qetë në përjetësi
Vitet po ikin
a shpejt shkon çdo vit
Dhe unë po shkrihem
ngadalë si qiri
E lumtur do jem
në ditën time të fundit
Në botën e përjetëshme
Erna do të jem bashk me Ty.
