Do të thoni ju…Mimoza Eliona Osmani


Do t’thoni ju, që u çmend …

Si çmendet hëna ,kur është e plotë

Që prehet lehtas gjirit tënd

Ashtu mes valëve ,dhe thotë

Dua përnatë të t’a puth buzën

Buzë e paputhur ,është pus i thatë

Humbas mendimet tek të lë bluzën

O kaltërsi e zjarrtë…

Do t’thoni ju që u çmend …

Ashtu si çmendet era jashtë

Kur syri i hënës së argjendtë

Mbart mallin e mëndafshtë

Do t’thoni ju që u çmend

Për një të çmendur det me valë

Ja që ky det është djalë levend

Dhe ngjan me atë djalë…