Dy duar…
Dy duar
Të shtërnguara
Në një zemër
Janë vënë…
Dy duar
Të shtërnguara
Nuk flasin,
Por shumë
kanë thënë
Për dashurinë tonë
Nënë…
Dashuri që lotët
Në sytë e mi
Të thara i ka lënë…
Dy duar
Të mbledhura
Në gjoks po pushojnë.
E jotja mbi timen
Pranë
Zemrës më
është afruar.
Kërkon
T’i japësh rrahjet
Se të duket
Sikur ka ndaluar.
Kërkon
Ti japësh jetë
E ta bësh të gëzuar.
Të mbaj
Me krahë
Dhe të përqafoj
Të shikoj e buzëqeshur.
Të dua shumë
Ngadalë të them…
E ti jetë
Je, për mua
Duke belbëzuar
Ma kthen.
Gjithë jetën dua që të puth ato duar
Se kanë aromë nëne
Se kanë aromë jete
Se dalin me buzëqeshje
O nënë
Mbretëresha e një jete.
About Post Author
