E PËRSOSUR…
Unë…nuk jam ëngjëll ,
as perëndi jo nuk jam ,
ndaj s’mundem
të jetoj pa gabuar ,
dua të guxoj
të prek të panjohurën ,
dhe pse ashtu…
me shkronja të mëdha ,
në sfondin e të pathënës
është veç e ndaluar .
Privuar gabimesh
a fajesh njerëzore ,
prej ankthesh mpirë ,
e frikërash lodhur
se bie në mëkat ,
ti…
kërkon
t’më ndalësh fluturimin ,
dhe s’do të kuptosh
se jam e gabueshme ,
se e përsosur
s’mund…
nuk dua të jem
qoftë edhe për pak .
