Shire Dhima
E vërteta!
Kjo është e vërteta miku im!
E gjeta diku në thellësi zhytur
Hedhur dhera mashtrimesh,triller gënjeshtrash pambarim
Kur e gjeta gjallë,thashë o Zot, s’qënka mbytur!
I dridhej buza në thellësi për të dalë në sipërfaqe
Ah xhelatët! Ishin aty në gadishmëri
Ata që fytyrës i ndërronin njëqind faqe
Origjinalen vetëm e vërteta e di!
Eh ,e vërteta,ku se goditën ,
fajet e botës ja hodhëm pleh në kurris
E mbytën me kokëposhtë,me flak e përzhitën
fytyra e saj kurrë nuk u dogj dhe u bë pis!
Natën e gjetën çakenjtë,e këputen cop cop
Me gjakun e sajë të çiltër lyen buzë
Si me magji e vërteta në këmbë u ngrit hop
Dhe kur këmbët ja dogjën me shpuzë!
Kot,mos u lodh kot or mik,mos u lodh
Zbuloje fytyrën ,të shoh e vërteta
Mjaftë me dredhira, sa qafa ty drodh
E vërteta rigjenerohet si bleta!
