“Ëndrra” e një kohe tjetër
Të pashë moj sybukur, të pashë
në ëndërr,
duke qarë nën vello , stolisur për nuse,
strukur si “dhëndërr”
duke vështruar lotët mbi buzët e kuqe.
Pastaj ike,
duke vrapuar si vegim nëpër natë ,
S’dija ç’të bëja
e renda si hije pas teje,
me frikë në shpirt si një “murg i ngratë”,
vështroja vellon që fluturonte
si cop reje !
Mërmërimat ti merrte era tutje.
Pika loti
përplaseshin në fytyrën time:
– Ku je o i çmendur që më s’u duke ..
të ‘ cicërija ‘sonte me zë kanarine !
Vrapova pas teje si hije nëpër natë,
duke zgjatur dorën, e thirrur
ngadalë :
– Prit ! -Jam këtu, i etur me buzën e thatë.
po të prisja i heshtur si një murgë
pa fjalë!
-Veç puthjen do të marr me vete,- më the.
– Zakoni e do të shkoj nuse në derë tjetër ,
e në shkofsha tutje, mbi lumenjë
e dete,
do të kthehem një ditë e n’ qofsha
plakë e vjetër.
-Mos vdisë ,
pa m’i prekur përsëri buzë e gjinjë ,
As nëpër ëndrra mos më përzë
të “iki” tutje ,
do të mendoj për ty, netëve duke rritur “kërthinj”,
nëpër erëra do të të dërgoj fllade dhe puthje.
Këto ishin fjalët e saj, në ëndrrën e asaj nate.
Vitet kanë endur “myshkun” mbi ‘lastarët e vjetër.
Ndoshta do të kthehet një ditë,
të zhytet në mëkate ..
për të marrë me vete, kujtimet e një kohe tjetër…
@Tomi Buzi
