Enxhi Drapi
Po iki .
.. Po iki i dashur…
Si deve e tharë për një pikë ujë,
dashuria për ty .
Sa kohë e largët,
ditët kur kuptoheshim me sy .
Në liqenin e zbrazët u mbyt çdo dëshirë
U lodhëm duke e mbajtur
njëri-tjetrin për mëshirë.
Po iki i dashur…!
Pemës magjike i ra çdo gjethe e kristal
Trungu ndjehet i zhveshur
si një shkretëtirë në mal.
U tha i tëri nga acari i ndjenjës .
Një rrënjë shkëputa
për ta vendosur në dhomën e ndenjës.
Po iki i dashur…
Lamtumirë!
Sytë dhe duart drejt ngrohtësisë i kam shtrirë .
Të ftohta ishin ditët e vetmisë.
Por kur nata të bjerë,
mos e lodh trurin për kohët e rinisë.
About Post Author
