Më mori malli i dashur
Përse do të thuash ti?
Më mori malli për sytë e tu
Momentin kur i pashë mbështetur nē krahët e mi
Më mori malli i dashur
Përse do të thuash ti?
Më mori malli për buzët e tua
Momentin kur u puthëm atë natën atje në rrugën me kalldrëm
atje ku edhe pemët jane të bardha pa gjelbërim
Më mori malli i dashur
Përse do të thuash ti?
Më mori malli për buzëqeshjen tënde
Momentin kur më hidhje fjalën dhe prisje të xhelozoja si adoleshente e marrë për ty
Më mori malli i dashur
Përse do të thuash ti?
Më mori malli për ngrohtësinë tënde
Momentin kur shikonin film si nē kino teatër
të dy të mbështetur sup më sup me njëri tjetrin dhe qeshnim me filmin si femijë,
unē përktheja ndonjë rresht dhe ti thoje e njoh këtë fjali
Më mori malli i dashur
Përse do të thuash ti?
Më mori malli për atë përqafimin tënd
Momentin kur më shtrëngove në gji , ishte një çast asgjë nuk shënova në kalendar as dite as orë, as shenjë horoskopi,
thjesht vetëm të dhashë nje përqafim ,
përqafim që mbeti tek unē mbeti edhe tek ty
mbeti gdhendur me fije të fildishtë
si moment që diku e jetoja në histori.
Më mori malli i dashur
Përse do të thuash ti?
Për gjithçka tënden , për sytë për buzët
që sa shumë dua ti prek
ballin dua të ta puth
Mē mori malli i dashur
për trupin tend ngrohur me trupin tim
për sytë e tu të zhytur brenda syve te mi
Më morri malli i dashur
për ato çaste puthjesh atë natë kur te takova mes hënës dhe yjeve, atje ku gjeta shpirtin e tij
Më mori malli i dashur
Përse do të thuash ti –
sepse ndjenja me vlon ende ne gji
dhe jam e marrë nē këtë dashuri .
MË MORI MALLI I DASHUR
About Post Author
