Era Nil
Ti ishe gjithçka për mua
Nga mënyra si më preke me sy
Qoftë edhe mijera kilometra larg
Derisa hyre nē rrezen time të shikimit.
Ti ishe gjithçka për mua
Nga përkëdhelia që i servire flokeve të mia kaçurrela,
Sesi hyre nē çdo kaçurrel një nga një
Pa dashur të shpërbësh formën dhe kurbaturën e tyre.
Ti ishe gjithçka për mua
Nga mënyra sesi preke gishtërinjtë e mi
Si të ishin qelq murano dhe nuk doje të binin përdhé të thyheshin
Më preke me delikatesën e një pasqyre, që s’duhet ta thyeje
Se thyerja e pasqyrës ishte fat i keq
Dhe ti doje me mua vetëm fatin e mirē.
Ti ishe gjithçka për mua
Për mua … qysh nga mënyra se si mi gozhdon sytë, në kafazin e kraharorit për të numëruar dridhjet e tij
Shpeshtësinë e rrahjeve të zemrës pasi me flet
Dhe sheh që unë dridhem.
Ti je gjithçka për mua
Kur pranë qenien tënde me afron
Aq pranë sa fryma jote depërton tej për tej frymën time
Dhe të lë shijen e saj në kalim e siper
Dhe ti vazhdon përtypjen
Ç’farë shije , ti ende bluan
Ndërsa unē jam larg, shija tek qiellza të ka ndaluar .
Ti je gjithçka për mua
Kur ngrohtësia e trupit tënd djeg trupin tim ,
Dhe anasjelltas unē përvëloj lëkurën tënde ngjizur
Dhe përsëri ne nuk shohim
Dhe përsëri ne nuk kuptojmë
Dhe përsëri humbasim.
Ti je gjithçka për mua
S’ta kam thënë
Dhe mos ma kërko, nuk ta them …
Se aq shumë të ndjej …
Dhe të gjithë qënien tënde
E ndjej si një vullkan shkrumbëroj perpara teje
Ti je gjithçka për mua
Dhe nuk ta them se prishet magjia
Nuk ta them se të marr m’sysh
Nuk ta them se jam vajzë e gjyshes dhe kam ndrojtje
Por as ti mos ma thuaj
Asnjëherë
Asnjë ditë të vetme … as mos më bëj ta mendoj
Ti je gjithçka për mua!! #eranilmoment #eranilpoetry #eranilquote
Painting “the lovers” DaBin Lee
Perzgjodhi Enkeleda Suti #dabinlee #enkeledasuti
