———————————-
Erdhën dallëndyshet lodhur shtegëtimesh ,
Kordele mëndafshi nën shtëllunga resh ,
Mbetur në furkën e nënës time ..
S’ma mbaroi dot fanelën e leshtë ,
S’i lidhi dot thiletë e fundit ,
S’i dha dot bojën ..
Erdhën varg- varg , erdhën sërë – sërë ,
të mbarojnë fanellën time ,
me bishtin gërshërë , me shtizat e diellit .
Prekin me krahë tastierën e erës ,
si fizarmonika fëmijësh
luajnë Bethoven , luajnë Shopen .
Nisën fluturimthi të ndërtojnë foletë ,
Ca fije morën nga furka e nënës ,
nga sytë e mi ca pika shiu .
Erdhën gjat’ javës së madhe të Pashkëve,
Dy vezë të kuqe lashë folesë së tyre ,
lulëkuqe pranvere te varri i nënës …
&*&*&*&*&*&*&*&*&*&*&&**&*&*&*
About Post Author
