Titulli: Emigranti.
Në qiellin e errësuar fillojnë të mblidhen retë,
ulërima e tyre është me tone të larta.
Më fatkeq se emigranti nuk do të ketë,
i pafat endet nëpër botë rrugëve të largëta.
Drita verbuese rrufesh i ngrijnë në sy,
makthe i sjellin netët e gjata.
Pas çdo gjurme ere kërkonte vetëm nji,
nënën e tij që e sheh veç në ëndrra.
E nisi nëpër botë të kërkoj fatin e tij në emigrim,
se çfarë flitej përreth nuk i bëhej vonë
Donte të shkrinte me frymë këtë mallkim,
këtë makth, që çdo çast po e torturon.
(Emigranti i mjerë lind në një vend,
Mplaket në një tjetër vend.
Kuur del në pension
është i huaj për të dy vendet)
Fier/6/10/2022
Albania
Autore: Fatbardha Budini.
About Post Author
