Fatime Kalimashi-KOHËS


Fatime Kalimashi

KOHËS

Vargje i thur vetës
Kohës e të vërtetës
Dhe shoqeve të mia
Që i mbyt vetmia

Jeta qenka e bukur
I themi njëra – tjetrës
Por është dhe e vështirë
Si dallgët e jetës

Eh! Dikur të lumtura ishim
Prindërit gjallë i kishim
E tash mbetëm vetëm
Qajmë njëra – tjetrën

Flasim për hallet tona
Për dëshirat që kishim
Koha ishte e vështirë
Kërkesa të pamundura ishin

E tash qajmë kohën
Dy nuk bëhemi bashkë
Edhe pse të gjitha i kemi
Zor e kemi me u dashtë

Dikur do ta kuptojmë
Se koha nuk ka çmim
Kam frikë se do jetë vonë
Se koha nuk ka kthim

About Post Author