Fatmir Gjata:Çift mjellmash


Fatmir Gjata

Çift mjellmash

Pashë dy mjellma të lundronin në liqenin pa kufi

Njëri tjetrin përqafonin edhe bënin dashuri

Hapnin krahët bardhë borë e me sqepa bënin shënjë

Dhe pse ish dimër i gjorë nëpër kashtë e nëpër rrënjë.

Ata loznin aq të dlirë saqë krejt mu duk kjo botë

Mjaft të shprehësh një dëshirë e të luteshë në Zot

Siç bëjnë mjelmat qafëgjata në agim të mrekulluar

Tundin pak pëndët e arta edhe shkojnë të dashuruar

Nëpër valëza kaltëroshe nëpër ujë kur shkon ngadalë

Zënë një vënd edhe një qoshe e nuk flasin asnjë fjalë

Vetëm puthen dheleplotë kur bën diell e bie shi

Pastaj ngaqë s’ndahen dotë përqafohen përsëri.

About Post Author