Feri Arifi:Shtëpitë e braktisura


SHTËPITË E BRAKTISURA

Aty ka pak fëmijë

Aty ka shumë shtëpi

Aty ka shkollë

Mësues e pishtar

Lagje më lagje

Shtëpitë kërkojnë të zotët

Aty në lugaja

Aty në kodër

Aty në rrafsh

Në të bukurin vend

Të zotët e shtëpive

Kanë ikur në tjetër vend

Shtëpitë nga bora që bie

E presin dielli të dal

I zoti shtëpisë të vijë

Të rregullojë atë çati

Që pikon në brendi

Dhimbje me lot

Për çdoherë

Ky fshat dikur ishte plot.