Bashkë e nisën rrugën,
Shtigje bashkë çanë,
Të mirë e të keqe
Me njeri – tjetrin e ndanë.
@
Por, kur nis një rrugë,
Do ketë dhe pengesa,
Rëndësi në jetë ka
Fjala edhe besa
@
Kush besën e dha
Dhe atë e mbajti,
Aty është sekreti,
Aty është mjalti.
@
Se fjala e mbajtur
Me një bashkërrugëtar,
Është lezeti i jetës,
Është margaritar.
@
Para se të krijosh familje
Dhe të bësh fëmijë,
Bëji mirë llogaritë,
Të mendohesh mirë!
@
Kur krijon familje,
Një premtim ke bërë,
Se do jesh besnik
Për një jetë të tërë
@
Gruaja s’është vegël
Në duart e tua,
Sot t’i thuash lajka
E nesër “s’të dua!”
@
Akoma më keq,
Kur bën dhe fëmijë,
Përgjegjësia është
Njëlloj për të dy
@
Jo se ti ke forcën
Dhe të drejtë ke,
Krijon një familje
Dhe pastaj e le.
@
Ndaj për familjen
Kemi detyrim,
Kjo për brezin sot
Të jetë një mësim.
