Fjala-Rrahim Billa


Fjala

Fjala është melhem , shumë plagë shëron

Por është edhe helm , që shpirtin ta helmon

Fjalët nuk janë zjarr , nuk janë as flakë

Por të djegin shpirtin , në shpirt hapin plagë

E plagët e shpirtit , zor se mund shërohen

Për to s’ka ilaçe , as mund t’operohen

Disa fjalë në shpirt , shkrumbojnë si vullkan

Shkretojnë si stuhi , e herë si tufan

Fjala bëhet këngë , a ndoshta poezi

Bëhet përmendore , deri në përjetësi

Fjala bëhet dramë , e luhet tragjedi

Roman mund të bëhet , me shumë dashuri

Ndonjëherë shpresë , çel sythet e jetës

A konflikt i ashpër , që hap rrugën vdekjes

E fjalën e dhënë , as dheu nuk e tret

Lum kush e mat fjalën , e nuk plagos kur

flet

Para se të flasësh , mati fjalët mirë

Le të mbjellim dritë , e jo errësirë.

Gusht , 2009

Shk.nga libri ” Vargje për jetën “.