Fjalët që s’ti thash kurrë-Zymer H.Haliti


Ishte pasdite e muajit t’freskët qershor

Nga larg të vështroja tek flisje n’koridor

Unë i strukur në kënd ,afër murit guror

shikoja ëmbël me ato faqet si mollë

Ajo ditë iku… kaluan muaj s’të pashë ty

Ndonëse të kërkoja rrugëve nëpër qytet

Atë fytyrë të bukur,të kristaltë dhe ata sy

I kërkoja çdo ditë,natë,javë,muaj dhe vjet

Askund s’të takova ty e bukura e dheut

Thonin se ka shkuar jasht në perëndim

Fjalët që kisha zgjedhur si të Romeut

Mbetën në mendjen time si shtrëngim

Ecë edhe sot asaj rruge ku të takova ty

Kërkoj të shoh vetëm dhe njëherë në sy

Të kuptoj të vërtetën,vallë më ke dashur

Apo vetëm unë në mendje të kam pasur

S’di nëse mund ta quaj se ishte dashuri

Kur nuk arrita asnjëherë të flas me ty…

Por,e di që të kam dashur siç do një i ri

Edhe sot nga larg ëndërroj për ata sy…!