Kristo Çipa
Stuhitë e vjeshtës dhe të shpirtit janë të ngjashëm si pikat e shiut që bien rrëmbyeshëm.
FJETËM NËN FLOKË
Do ta gris moj, do ta gris!
Vellon e tymit cigares
Me vetullën që lëviz
Nën qemerin e dritares
Slims i hollë qeparis
Bukurinë ta gremis
Tak e tuk e qeltë
Gjer në sup ngarkuar
Cigaret janë hedhë
Përgjysëm mbaruar
Veçuar inati
Si dylli nga mjalti
Hape pak kanatën!
Fletën e durimit!
Të ta shuaj flakën
Kur mërgohet tymi!
Bota e mërzisë
Nata në kërthizë
Uiski i gështenjtë
Slimsi elegant
Buzët puthin lehtë
Koka avadan
Në vetullat pujë
Inati rrëmujë
Tek inati i sertë
Erdha dhe u ula!
Dhe gotën e qelqtë
Tek buza e vura
Në një gotë pimë
Si slimsi po shkrijmë!
Kur nuk më puth mua
Unë do dehem sonte
Cigaret marr hua
Nga paketa jote
Tymin bashkë e thithim
Me një gotë uiskin
Nuk di pse s’u dehëm?
Kariket s’i thyhem?
Kokën e mbështetëm
Në jastëk tek yjet
Hallet shtruam poshtë
Fjetëm nën flokë!
