Preng Maca
Forma të çuditshme
më sheh çuditshëm dhe papritur,
ndjehem i rrethuar nga një dashuri sfilitëse.
sa shpesh mendoj ,
se cili njeri i dashur që nuk është tashmë,
ka zgjedhur të më shohë me sytë e tu të butë,
duke më ndëshkuar,
ndoshta për faktin, se ndonjërin edhe mund ta kem harruar.
bëj përpjekje t’i sjell ndërmend
të gjithë ata që nuk janë prej kohësh.
“natyrë e përsosur,
a thua po luan me mua ,
e ke zgjedhur këtë qen të më thuash,
se asnjeri prej nesh nuk zhduket ,
por ndërron formë,
ndaj duhet ta kujtosh e të mos harrohesh ,
pas gjërave robëruese e të përditshme të botës?”
oh, qen i dashur sytë e tu,
të kujt janë këta sy që më shohin kështu?!
më përkëdhelesh nëpër këmbë,
unë…në grykë i kam lotët!”
About Post Author
