Fry moj erë shkulna, grisna,
Zhvatna shpirtin andra andra,
Shqepna, shkundna, shina, nisna,
Hana,grina porsi lakra.
Grina shpirtin në rrende,
Zhubrosna si copë letër,
Hidhna në koshin me pleh!
Krehna flokët e pakrehur,
Që nga koha e majmunit,
Merre sofrën e pa shtruar,
Djathin sherrin e sapunit…
Thonë se do të shuhet hëna,
Bëhu shkak ti dali shkumë,
I kanë mbetur dy të zëna,
Njërën e kafshova unë!
Thonë se do të fiket dielli,
Do të bjerë në shesh qielli,
U bëmë si luledielli,
Fry o erë në një vrimë fyelli!
Fry të fryftë e të shpëlaftë,
Ariu me një bredh mjaltë,
Merri andrat penë pa dyll,
Dëndi tutje nëpër pyll.
Gjoksin ndaj e kam zbuluar,
Si nga Vlora ke harruar?!…
Bëjë ditën e paditë,
T’ia shoh dritën mbyllur sytë!
T’a shoh frikën në fytyrë,
Bëje erë botën çaftera,
Mos më lerë në dorë të ndyrë,
Që më la të pres tek dera!
