Gina Kapej Xhaferaj:Një tjetër vjeshtë pa ty


Një tjetër vjeshtë pa ty

Kaq e bukur është kjo vjeshtë

Por pa ty nuk po kalon.

Kur të dy ishim se bashku.

Gjithë stinët ishin njëlloj.

Vjeshtë e re do vijë prapë

Nëpër sofrat ëmbëltore

Po unë s’di ku të kërkoj.

Ndaj më sill nje letër dore.

Merrmë prapë në telefon.

E mos ik si dallandyshe

Zogjtë që qiellit fluturojnë

Na kujtojnë një jetë ndryshe.

Se pa ty, jo nuk vlen jeta

Ti je yll që ndrin për mua

Unë pres që të hapet dera

Të hedh krahët i malluar.

Mos më lër me kaq trishtim

Hapi krahët, fluturo!

Vrapo shpejt në një lëndinë.

se kam mallin që të shoh.

Hajde, të lutem, moj Zanë.

Vjeshtën, tjetër ta bëjmë tok .

Ti je diell rrezeartë

Trëndafil e borzilok.

Qiellin, do ta bëjmë kurorë.

Për lulet e dashurisë.

Duart bashkë të shtrëngojmë

Buzë më buzë të dy të shkrirë

Sup me sup si rrinë malet.

Bukurinë t’ia marrim jetës

Ti më je si manushaqet.

Je agimi ngjyrë freskët.

Zbrit nga maja lartësie

Lësho vellon me mëndafsh.

Ta marr unë e ta bëj fije.

Me durim të bëj litar.

Greqi Athine

About Post Author