Gina Xhaferaj Kapaj-Nostalgji vitesh-


Gina Xhaferaj Kapaj

Nostalgji vitesh

Në brigjet e jetës më zgjoi një ëndërr e bukur.

Një gëzim që zemra e shpirti fort ma ndjen.

Më thotë të mendoj për një zog a një flutur

përqafoj zogjtë që rrinë në një pemë.

Më mjalton dhe një fjalë e thënë në kuvend.

Është një ëndërr e bukur që më pëlqen në vite.

Është mrekullia moshe thonë psikologë e mjekë

Kur jeta të hap bujarisht të tjera shtigje.

Një flutur pa krah s’ka fluturuar asnjë herë.

E unë shqetësohem a do më dehë hija e drojës.

A do dehet me verë pa pirë në tryezë?

A do të vijnë dallandyshet mes qiellit e tokës?

E di që ato ndërrojnë çerdhe nga shteti në shtet.

Me ca ëndrra për të bërë të tjerë fëmijë në çerdhe

E unë s’di nëse fjala e vonuar e menduar është e ngadaltë.

Kur do të shtrohet në tryezë në këtë sezon vjeshte.

Gina Kapej Xhaferaj

About Post Author