Gishta mbi tastierë
Në ëndrrat e mia, në ëndrrat e tua,
sa shpesh takohemi, sa shpesh,
tinguj prezentë në bashkimin tonë
dhe nota dehëse arrijnë në vesh.
Nga piano një muzikë e ëmbël ,
pushton gjithë dhomën e ëndërrimit,
gishtat që shkasin lehtë mbi tastierë,
shkëndija i ndezin argëtimit.
Prekje emocionesh jemi edhe ne,
nota muzikore mes jetës dhe fatit,
skllevër të dëshirës për një përkëdhelje,
ndërmjetës mes shpirtit të qetë dhe inatit.
( Shkëputur nga libri ” Labirint ” poezi, SH.B. MUZGU, Tirane, 2023)
