Gjashtë çunat e lagjes
Gjashtë çunat e lagjes një nga një u mblodhën
Te bar “Arragosta”, festë gjer në mëngjes.
Lumë u shkonin djersët, vallen kur e hodhën
Në mëngjes, nga gjashtë do mbeteshin veç pesë.
Këngë për syzezën, tërë natës ia thanë
“Të ndihmoftë Zoti!” një urim i dhanë.
Kur nga mesi i natës, me ta u bashkuan
Dashi me kitarë e Fredi me tastjerë,
gjashtë çunat e lagjes, vallen e rënduan.
Zjarr e flakë nën këmbë morën dhe një herë.
Këngë për syzezën, tërë natën kënduan.
“Zoti qoftë me ty!!” njëzëri i uruan.
E ia mbushën shokut, plot me rërë xhepin
E iu lutën natës, rrugët t’ia ndriçonte
I gjashti në mëngjes nisej me tragetin
Vallen e pesë shokëve kurrë mos ta harronte.
Këngë për sylarushin, tërë natën në festë.
Në mëngjes, nga gjashtë mbetën vetëm pesë.
