Grua mbi kalë-Ligor Stafa


GRUA MBI KALË

Një grua e gjitha e artë

stoli nga oborri i luftës

rrethuar sysh

kalëron në ditën e kurrizqelqtë

dhe turret si një panterë

mes gjoksit tim të çarë tejpërtej

mes bukmejkërsave të murrëzuar

në shkallët e hipodromit

e harbimi i saj lëshon me klithmë

nga më të ndyrat fjalë

nga më të urtat fjalë

E ruan të njejtën kënaqësi të llahtarshme

tek rend për kushediseku

duke shtrënguar frerët

me thonjtë e ajrit të shkopsitur

nga ecejaket

e magjia e saj lë pas një vazhdimklithmë

me më të ndyrat fjalë

me më të urtat fjalë.