GRUA PREJ GURI
Gjysmë gur
Gjysmë mish
Nga gjysma kohësh
Që tronditën troje
Bijë e dashurive
Qē u kënduan qiejsh
Dhe kulluar
Lot i dielltë
Rrëmbyeshëm
Shkoi me rrjedhë të Drinit
Të rrēfeje legjendën,
Visesh
Mbështjellë
Me dantellë ëndrrash
Gji i mbetur jashtë
Jetë e gdhendur gur
Pret ,
Të kumbojë motesh
Jehonë e zërit të saj
Melodi e veshur degësh
Shelgjeve,
Mbi Bunë
Trokëllin me kuaj fatesh
Zanave,
Të udhëve të mençura
Rozafat
Ëngjëjsh zbret mbi kryt
E hyjtë
Këngë e historisë
Nuse përmbi nuse
Grua guri
Qëndrestare jetë.
