GRUAJA DHE BURRI GJAHTAR
Një ditë të bukur
Shkon burri për gjah,
Gjerdanin në brez,
@
Ku vete, i thotë gruaja
Gjithë qesëndi,
Në gjithë këtë jetë
E ke zbrazur në hi
@
Kam një parandjenjë,
Sot, e dashur grua,
Se fati i mirë
Do të jetë me mua
@
Ishallah, thotë gruaja,
Prapë me qesëndi,
Kujdes, o lumë,
Se mos vret njeri
@
Jam shumë i kujdesshëm,
Mos u bëj merak,
Sepse gjuetinë
E kemi në gjak
@
Për sa mbahet mënd,
Shumë breza më parë,
Ne, den baba den,
Kemi qenë gjahtarë
@
Pa e hequr fare
Pushkën nga krahu,
Mu përpara këmbëve
I doli dhe gjahu
@
Një lepur i ngordhur,
I vrarë gjëkundi,
Ish duke dhënë shpirt,
Në grahmat e fundit
@
Shikoi rreth e qark,
Mos dilte pronari,
Qenka fati im, tha,
E gjeta i pari
@
Me lepurin në dorë,
Vrap e për tek gruaja,
Të thashë që sot
Fati është me mua?
@
Do ta zbuloj, tha gruaja
Në e ka vrarë vetë,
Në darkë do t’i punoj
Dhe një marifet
@
E gatuan lepurin,
E hëngrën me ëndje,
Djallëzia e gruas
S’i kish shkuar në mëndje
@
Nga mezi i natës,
Si me marifet,
Gruaja i bie derës
Dhe me forcë thërret
@
E dëgjove burrë,
Po troket dera,
Po dal ta hap unë,
Si herët e tjera
@
Burrë na ngatërrove,
Na bëre hatanë,
Janë vëllezërit e lepurit,
U ke vrarë vëllanë …
@
Të ngordhur e gjeta,
Nuk e vrava unë,
Prandaj largohuni,
Do t’u lutem shumë …
@
Që të ketë lezet
Edhe muhabeti,
Shumë shpejt doli
Edhe sekreti …
@ Copyright 2023
Të gjitha të drejtat – autori
About Post Author
