I hapa unë përsëri dyert e zemrës
Ashtu sikurse lulet e mollës
Të vogla, të brishta, të njoma
Këtë herë pres sythat të bëhen gjethe
Me to të flladis shpirtin
Ulur në parvaz vështroja qiellin
Qëndisja hënën nën qerpik!
E lash unë sonte dritaren hapur
Të hyj muza e veshur në të bardhë
Ndjej erën të me ledhatoj flokët
Mandej me rreze më prek qafën
Vesa pikoi si gjerdan
Për të plotësuar tablon e kësaj nate…
About Post Author
