Ildije Xhemali:Dasmat e  padëgjuara


Ildije Xhemali:Dasmat e  padëgjuara

*Prindërve që i nisën bijtë e tyre

nga e gjithë bota si luftëtarë të Lirisë*

Të gjithë ne i pëlqejmë dasmat

Jashtë qenies tonë, udhë gëzimit

Me atë dashuri, me atë kujdes

Por ka dasma që i admirojmë

Me nderim i përulemi Heroizmit

Jam fare e vogël para Nënave

Që n’ vend t’ kostumit t’ dhëndërris’

Bij’ve u veshën uniformën e ushtris’

Shokë dhe bijë të Adem Jasharit

Banonin në trualllin e larë me gjak

Me jetët e tyre lartësuan Altarin

E Lirisë, nuk duhen harruar aspak.

Dhe jasht’ Kosovës jetonin dhëndurrët

Nëpër gjithë Botën, jetën rregulluar

Por piskamën e Lokes kur dëgjuan

Gjithçka braktisën, n’ front u rrjeshtuan

Bekimin i morën Babës dhe Nanës

Jeta, pa Kosovën s’kishte kuptim

Puthjen i dhanë djalit dhe vajzës

Si për dasëm u nisēn pa tundim.

Nuk pati asnjëri ak-marrëveshje

Nuk u plotësua asnjë protokoll

Dy ishi rrugët: Jetë a Vdekje

Mbi to vetëm Fati vendos kontroll.

, Për këtë përvjetor

Duke ardhë me Drinin plak shkëmbyem ca fjalë

I kerkova gurit të më fali udhëtimin mij’ra vjeçar

I kerkova drurit sekretin e gjelbërimit nga toka marrë

I kerkova shkëmbit qëndresën ndaj stuhisë përballë

Ua kerkova t’ia fal KOMBIT tim të lashtë

I kerkova SHQIPONJËS mbi krahë të më marrë

KOSOVËS së lirë t’i shëtis anë e mbanë

I kerkova pran’verës para kohe me ardhë

Me lule të mbuloj çdo pllakë e varr

Me pala flamuri të shëroj të dëshmorëve plagë

I kerkova Hënës, për k’to ditë, bukurinë e saj

Edhe Diellit i kerkova shkëlqimin e zjarrtë

I kerkova qiellit hapsirën e paanë

T’ua dhuroj juve vëllezër, të mi kosovar

Iu luta SHQIPONJËS për sytë largpamës

ARDHMËRINË të shohin qartë politikanët tanë

Iu luta KRIJUESIT që bekimin të na jap

Jo më veç e veç, por të gjithë bashkë.

About Post Author