Ildije Xhemali:Koha e vllazërimit


Ildije Xhemali

Koha e vllazërimit

Për fëmijë

Në tonën Sarandë, plot me hijeshi

Shkova për fundjavë me prindërit e mi

Natyra zbukuruar, lule e gjelbërim

Ëmbël flladit era të bukurin vendin tim

Deti më rrëmbeu me nuancat blu

Dallga but’ më foli: “Për ty jemi këtu”

Ku nuk shëtita, Ksamil e Butrint

Në kështjellë thërrita: “Edhe unë jam trim”

Xhaxhi sarandjoti lënë një celular

Bujtësit e nderuar, përdorur si ditar.

Me vëlla e motër Sarandën e Jonin

Dhe pse në Londër, shqip leht’ bisedonim

Me Adem e Gjergjin, binjakë në Mitrovicë

Besa-besën dhamë: Takim në Mirditë.

Teuta, ulqinakja na e bëri ftesën

“Pran’ ullinj’ve në kala do t’ua shtroj drekën.”

Trimit, nga Presheva, i bëra dhuratë

“Përrallat” e Mitrushit*, bukur shqipja, qartë

Më mbeti merak, nuk njoha shok’ nga Tetova

Shkupi e Kumanova, në ditët sa qëndrova.

U desh fare pak kohë që krijuam miqësi

Në vitet që do të vijnë, rënë barrjera e kufi.

Mitrush Kuteli, poet dhe shkrimtar.

About Post Author