Imer Hysa-Udhëkryq


UDHËKRYQ

Një mendje më thotë: Hip mbi një gjethe vjeshte
e hapësirën e qiellit ktheje në ndërgjegje
për të zgjidhur udhëkryqet.

Tjetër mëndje më thotë: Rri në tokë
dhe ec në rrugë milingonash
që të kuptosh se aty s’ka mëdyshje!

Përsëri kjo mendja, si kokërr gruri
derdhet mbi një rrëkezë
dhe kërkon hapësirë detare.

E tmerrshme,
Sa shume udhëkryqe,
Sa pak dritare!

About Post Author