JUGA
Jugë – jugë – jugë…ç’më ngjalle kujtime
Arrakatërinë e vegjëlis’sime…
Jugë – jugë – jugë… erë e ngrohtë e pikëz shi
Fëmijëria duke bredhur, marramendja s’kish kufi…
Jugë – jugë – jugë…ç’ më ndeze vegime
Ato gjethet e avllis’qenë detyra ime…
Jugë – jugë – jugë…ç’më mbyte kujtime
Prehëri i fustanit tim , mbushur aguridhe…
Jugë – jugë – jugë…o jugë Kanine
Përmbi det e posht Shashice, goja blozë mersine…
Jugë – jugë – jugë… dhe në mes të Londrës
Qejfi jo , mos të të mbetet , s’ka si jug’e Vlorës!..
